வில்லியம் & மிடில் - Comments during live relay :)

நம்ம நெனக்கறது எங்க நடக்குது!! தூக்கம் வரா மாதிரி இருந்தது. இந்த News சேனல் எதாவது வெச்சுட்டா, தொண தொணன்னு பேசீண்டே இருக்கும், அப்பிடியே தூங்கீடலாம்னு நெனச்சேன். ஆரம்பிச்சுட்டாங்க! லண்டனில் இருந்து லைவ்னு, sun news! ராயல் வெட்டிங் லைவ்! (Wedding தான், ஆனா, முதலிரவுக் காட்சிகள் கிடையாதாம்:P)

BBC says,the shoulders are covered, but transparent...

நான் ஏதாவது news சொல்லி அனத்துவான், தூங்கலாம்னு நெனச்சேன்..இங்க என்னடான்னா warner bros intro range-க்கு ம்யூசிக்க போட்டு ப்ராணன வாங்கறான்...


ஐயகோ!!


Comments during live relay:


* "ஏய்... அந்த ஆளு மண்டைல முடியக் காணோம்.. தொறந்து வெச்சிருக்காரு.. இந்த புள்ளைக்கு கொள்ள முடி,  தலைய மூடி வெச்சிருக்கு!"

* "இவன் என்ன கோர்ட்ல மூணு வாட்டி பேர் கூப்பிடறவன் மாறி ட்ரெஸ் பண்ணீருக்கான், இவன் தான் பொண்ணு மாப்பிள்ளைய கூப்பிடுவானா? ஆஹா.. அவுரு தான் பையன்!"

* "ஏய்.. பொண்ணு ரொம்ப வயசாளியோ? தலையெல்லாம் வெளுத்துப் போய் மூஞ்சில சுருக்கமாவில்ல இருக்கு? அது மாமியாரப்பா!!"

* "ஏய்.. என்ன இது!! அந்த ஏரோப்ளேன்காரன் ஒங்க ஊர் பல்லவன் பஸ் ஸ்டாப்பிங்க தாண்டி போகுமில்லா.. அதும் மாதிரி அரண்மனையத் தாண்டிப் போய்கிட்டு இருக்கான்!"

* "இஞ்சாரு.. அமெரிக்கால பில்லுகேட்டு பில்லுகேட்டுங்கறான்; இங்க வில்லு-கேட்டு வில்லு-கேட்டும்பாய்ங்களா இனிமே?"

* "செவப்பு சட்ட-நீலப் பட்டா தான் மாப்பிள்ளையா.. அவரு பக்கத்துல வரது யாரு? கறுப்புக் கோட்டப் பாத்தா, வக்கீலு மாதிரியில்ல கெடக்கு!!"

* "ஏ.. எதுக்கு இம்புட்டு பயலுவ இங்கன வேஷம் போட்டு திரியுது? கோட்டியோ? இல்ல மாமா, அப்ப தான் மாப்ள அளகாத் தெரிவாஹளாம்"

* "ஏண்டிம்மா...பொண்ணு வந்து நாழியாயிடுத்தே... பையன் இன்னும் வரக்காணுமே!"
"அவர் ரொம்ப தூரம் மூஞ்சி அலம்பணுமோல்யோ.. அதான் சித்த நாழியாறது"


* பொண்ணு பேரு மிடில் டன்னாம்... வெய்ட்டு கல்யாணம்!!


* Q: அந்த ஊர் ராசா மாமியார் ஊட்டுக்கு போறத உலகமே டிவியில காட்டுது, இந்த ஊரு ராசா மாமியார் ஊட்டுக்கு போனத அவங்க டிவில கூட காட்டல?
A: அவரு முடியெல்லாம் கொட்டி, அங்கிள் ராசா; இவரு ஏகத்துக்கு கொள்ளையடிச்ச, ஆண்டி ராசா!

* How come a nagarvalam keeps middle on the edge!!

* The difference between Indian Wedding and the British wedding is, after marriage pAl-kani here and balcony there.

* Since the bride is middle, she is duchesse!

* Rajni Impact: William is wearing the clothes Rajnikanth wore in Pandian movie and is riding the Muthu carriage vehicle. Rajnikanth influence undeniable in the royal wedding.

மெல்ல சாகும்...

தமிழ் மட்டுமல்ல, எந்த மொழியுமே இனி மெல்ல சாகும்.

Facebook status message-ல் (முக நூலின் நிலைச்செய்தி என்று சொன்னால் நீங்கள் இந்தச் சாளரத்தை [விண்டோ] மூடிவிடும் அபாயத்தைத் தவிர்ப்பதற்காக):

"வாழ்த்துகள் என்று சொல்வதில் பெரிய தத்துவமே இருக்கிறது.. அது இன்னாது? இந்த பிரபஞ்சமோ என்னவோ சொல்றாங்களே, அது எம்மாம் பெர்சு... ஆனா கண்டி, நீ தம்மாதுண்டு... மெரசல் ஆவாத... வாய்த்து... இந்த தபா வாயுன்றேன்.. தெர்தா.." என்று போட்டிருந்தேன். 

நண்பர் ஆர்.கே. பதிலுரையாக, "மெல்ல சாகும் தமிழ், இதைப் பார்த்தால் மெல்ல நகைக்கும்" என்றார்.  

புத்தகங்களைப் பற்றிச் சொல்லும்போது, books to be glanced, chewed and digested என்று அப்பா எப்பொழுதுமே சொல்லுவார். மொழியை இப்போது பெரும்பான்மையோர் மெல்லுதல் செய்கின்றனர். அகாதமியின் மிருதங்க வகுப்பகளில் கூட நான் அடிக்கடி சொல்ல நேரிடுகிறது. மெல்ல மெல்லப் பேசுகிறார்கள். அதோடு, வார்த்தைகளின் ஓரங்கள் வலிமையாய் இருப்பதில்லை. விளிம்புகள் தேய அவர்கள் பேசுவதில் (அவர்களே அறியாத ஒரு ஒழுக்கம்!) ஒற்றை வார்த்தையாய் இருந்தால் அதன் ஈற்றெழுத்தும் ஒரு வாக்கியமெனில் அதன் கடைசிச் சொல்லும் கரைந்துபோகும். 

"ஒழுங்கா சாதகம் பண்றயா?"

"சாதகம் பண்..."

"நேத்திக்கு எங்க போயிருந்த?

"நேத்திக்கு வெளில போயிரு....ன்"

இப்படி ஆகிவிடுகிறது. 

மெல்லுகிற எதுவும் விழுங்கப்பட்டு செரிமானம் ஆகி இரத்தத்தில் கலந்தால் பரவாயில்லை. மொழி வெறுமே ஒரு ச்சூயிங்கம் போல அரைபடுகிறது. விளைவாக இரண்டிலுமே இனிமை விழுங்கப்படுகிறது. 

சிலர் விழுங்கி அவர்களின் குருதியில் கலந்துவிடும் மொழி, வாழ்கிறது. சிலரைப் பார்த்தால், "நீங்க மென்னது போதும்.. ப்ளீஸ் துப்பீட்டீங்கன்னா அது எப்படியாவது பொழச்சிக்கும்.. ஏன்னா, நீங்க முழுங்கீட்டு எதாவது ஒரு டிவி ஸ்டேஷன்ல வேல கீல கெடச்சு வாழ்ந்துடுவீங்க.. பாவம் அது செத்துப் போயிரும்" என்று சொல்ல நேரிடுகிறது. தமிழ் என்று இல்லை. எந்த மொழிக்குமே இது தான் நேர்கிறது. 

தமிழ் வளர்க்கும் கழகங்கள் காலகாலமாய் தங்கள் தானைத் தலைவர்களை வருக-விலிருக்கும் ர-வை (ராவாக அடித்திருப்பார்கள்!) ஒரு பொருட்டாகவே மதிக்காமல் வ(ர்ர்ர்)றுக வ(ர்ர்ர்)றுக என்று மறு மாற்றத்திற்கு (சைடு டிஷ்) 'அடி' போடுகிறார்கள், அவன் வரும்போதே!

நீங்கள் கடித்துத் துப்பினாலும் பரவாயில்லை, மெல்லினமாய் இருந்தால் கூட. 

மெல்லாதீர்கள், அது சாகும்.  

தம்பி.. தற்போது கொஞ்சம் ரௌத்ரம் பழகு.